Kunst
Aus Wikipedia
 |
Der Artikl is im Dialekt „Weanarisch“ gschriem worn. | |
Kunst mant oiwö wos Relatives, abhängig vo da Kultur und da Gschicht. Es is ned wirkli wås Fixes, wös oiwö wos åndas is. De Kunst is a Produkt vo da Kultur, wo am End a Kunstwerk do is, wai owa a'ra seit da Modeane - da Prozess söbst. Oiso hot a jede Kultur Kunst daheabrocht.
Da Kunstbegriff is oiwö a åndra: Seit da Aufklärung haßts owa voa ållem de Ausdrucksformen vo de Schen Künste:
- Büdende Kunst mit de klassischen Gattungen Molarei, Büdhauarei, Architektur und in seit'n 19. Jh. sog'nanntn Kunstgewerbe (Angewandte Kunst) und ois Grenzbereich in Kunsthandwerk
- Doastöllnde Kunst mit n Hauptguat Theata, Tanz und Filmkunst
- Musi mit n Hauptsparten Vokalmusi und Instrumentalmusi
- Literatur mit n Hauptgattungen Epik, Drama und Lyrik
In da zeitgnössischn Kunst bildn se zuanehmad neie Gattunga, de aus de Büdende Kunst, Doastöllnde Kunst, Musi oda Literatur mischn und desweng nimma eideitig zu oana Sortn zuagordnet wern kenna. Dazua ghern z.B. Performance, Installation, Konzeptkunst, etc.
