Argjentine
De Vichipedie, la enciclopedie libare dute in marilenghe.
 Cheste vôs al è un aboç, che al è stât juste scomençât e al conten dome pocjis informazions.
Se tu puedis, zonte alc cumò e judinus a fâle deventâ simpri miôr seguint lis convenzions de Vichipedie. Par vê une liste complete da lis vôs in cheste condizion, cjale la rispetive categorie. Graziis di cûr. |
| Argjentine | |
 |
[[Figure:{{{emblem}}}.svg|100px|]] |
| Informazions | |
| Nomenance | República Argentina |
| Lenghe ufiziâl | spagnûl |
| Capitâl | Buenos Aires |
| Politiche | |
| Forme di guviêr | Republiche federâl |
| Cjâf di stât | Néstor Carlos Kirchner |
| Cjâf di guviêr | |
| Indipendence | 9 di Lui 1816 |
| Jentrade intal ONU | 24 di Otubar 1945 |
| Superficie | |
| Superficie Totâl | 2.791.810 |
| Intal mond | 8° |
| % di aghe | 1,1% |
| Popolazion | |
| Popolazion Totâl | 38.592.150 ab. |
| Intal mont | 31° |
| Densitât | 13 ab./km2 |
| Geografie | |
| Continent | Americhe dal Sud |
| Fûs orari | UTC -3 |
| Densitât | 13 ab./km2 |
| Economie | |
| Monede | Peso argjentin |
| Consum energjie | kWh/ab. |
| Variis | |
| Domini di prin nivel | .ar |
| Prefis tel. internazionâl | +54 |
| Plache automobilistiche | RA |
| Imni nazionâl | Oid, Mortales |
| Fieste nazionâl | 25 di Mai |
| [[Figure:{{{mapedalstât}}}.png|250px|Mape dal stât]] | |
La Republiche Argjentine (jutori·info) al è il secont stât plui grant de Americhe dal Sud e l'otâf dal mont. Al confine a soreli a mont cul Cile, a nord cun la Bolivie e il Paraguay, a nord est cun il Paraguay e il Brasîl, a soreli jevât cun l’Uruguay e cun l’ocean Atlantic. La Argjentine e je une republiche federâl fate di provinciis.
Indis |
[cambie] Origjin dal non
Il non al ven de liendis che a si jerin pandudis fra i prins concuistadôrs de esistence di arint tal bacin dal Rio de la Plata. A dì il vêr di arint nol è che an sedi stât tant ma za 'int une mape veneziane dal 1536 si doprave il non Argjentine. Tal 1602 al fo publicât il poeme La Argentina di Martin del Barco Centenera. Il non al devente comun tal XVII secul.
[cambie] Storie
I prins segns de presince umane in Patagonie a son di 11.000 agns p.d.C. Intal prin secul d.C la zone andine e à un ciert nivel di civilizazion. Tal 1480 l'imperi Incas al concuiste la regjon nord ovest de Argjentine. De culturis basadis su la patate dolce e sul yuca si cjatin intal Guaranì. Lis Pampas e la Patagonie a son abitadis di popolazions nomadis.
Tal 1502 Amerigo Vespucci al rive su lis sôs cuestis e tal 1516 Juan Diaz de Solis al esplore l’estuari dal Rio de la Plata. I spagnûi a costruissin dai fuarts e la citât di Buenos Aires. Tal 1776 la colonie e devente il vice ream dal Rio de la Plata cun dentri ancje la Bolivie, l’Uruguay e il Paraguay.
Tal 1806-1807 la colonie e resist a une invasion dai inglês. A nassin lis primis aspirazions a la indipendence e tal 1810 e ven nomenade une jonte al puest dal vice re. La indipendence e ven proclamade il 9 di Lui dal 1816 e il gnûf stât al cjape il non di Provinciis Unidis dal Rio de la Plata.
Tai agns seguitîfs a vegnin diviersis vueris: cul Brasîl tal 1827, cun la Bolivie tal 1838, cui Stâts Unîts, il Ream Unît e la France tal 1845 e dal 1865 al 1870 cun il Paraguay. A son ancje diviersis lotis internis fra cjentraliscj e federaliscj.
I prins decenis dal XX secul a vegnin comandâts dal partît radicâl di Hipolito Irigoyen. Tal 1930 al ven fat il colp di stât dal gjenerâl Uriburu e daspò a van al podè une schirie di president conservadôrs. Durant la seconde vuere mondiâl il pais al reste neutrâl fin al colp di stât militâr dal 1943 cuant che si allee cun l’asse. Tal 1945 al romp la aleance declarant vuere a Gjermanie e Gjapon.
Dal 1946 al 1955 al è president Juan Domingo Peron fin al colp di stât di Lonardi e Aramubu. Dopo i president Arturo Frondizi, Josè Maria Guido e Humerto Illia un gnûf colp di stât al ven fat tal 1966 da Juan Carlos Ongania.
Peron al torne al podè dal 1973 a la sô muart tal 1974 e dopo a comande la sô tierce femine Isabel Peron. Dal 1976 al 1982 e je une altre teribile ditature militâr che e finìs cun la disastrose invasion des isulis Falkland/Malvinas e la vuere cun il Ream Unît.
Tal 1983 e torne la democrazie cun lis presidenzis di Raul Alfonsin (1983-1989), di Carlos Menem (1989-1999) e di Fernando de la Rua(1999-2001). Tal finì dal secul a tache une dure crisi economiche argjentine che tal 2001 a puarte al congjelament dai bêçs depositâts in bancje, a la fan par tancj di lôr e a une grave instabilitât politiche. La situazion e miôre un poc cun la presidence di Nestor Kichner (2003).
[cambie] Politiche
Il podè esecutîf al è dal president de republiche che al ven votât ogni 4 agns a sufragji universâl diret. Il podè legjislatîf al è dal Congrès Nazionâl ven a stâi dal Senât di 72 membris e la Cjamare dai deputâts di 257 membris.
[cambie] Politiche foreste
La Argjentine e fâs part dal Sisteme economic latin-american, dal MERCOSUR, de Organizazion dai Stâts Americans, dal Grop di Rio e dal G15.
[cambie] Division aministrative
La Argjentine e je dividude in 23 provinciis e i citât autonome (la capitâl federâl).
- Citât Autonome di Buenos Aires
- Buenos Aires (Provincie)
- Catamarca
- Chaco
- Chubut
- Córdoba
- Corrientes
- Entre Ríos
- Formosa
- Jujuy
- La Pampa
- La Rioja
- Mendoza
- Misiones
- Neuquén
- Río Negro
- Salta
- San Juan
- San Luis
- Santa Cruz
- Santa Fe
- Santiago del Estero
- Tierra del Fuego
- Tucumán
[cambie] Gjeografie
[cambie] Gjeografie fisiche
La Argjentine e va da lis Andis a soreli a mont a lis grandis planis dal est che a puartin al ocean Atlantic. A nord lis Andis a fasin un grant altplan (Puna de Atacama, 3400-4000 metris). Tes Andis mezanis la profonditât e jê minôr ma i monts a son plui alts (Aconcagua 6959 metris, Mercedario 6770 metris). A sud in Patagonie lis Andis a son plui bassis ma plenis di nêf e glaçârs. A est a son des andis si cjatin a nord il Chaco, un grant bassplan cuviert di praderîs, la Pampa, sconfinade stepe dulà che l’om al coltive cereai, e la regjon patagoniche a sud dal Rio Colorado fate di altplans che a van des Andis al ocean.
[cambie] Idrografie
Il bacin dal Rio del Plata-Paranà al è il secont dal continent cun plui di 3 milions di chilometris cuadrâts. Al è formât dal Paranà e dal Uruguay che a rivin dal Brasîl e dai flums che passant par il Chaco a rivin intal Rio de la Plata. Impuartants a son ancje il Rio Colorado e i flums de Patagonie tant che il Rio Negro, il Chubut e il Deseao). Tes andis si cjatin diviers lâcs di tip alpin come il Nahuel, il Huapi, il Lâc Buenos Aires e il Lâc Viedma.
[cambie] La clime
In Argjentine si à une clime continentâl moderade. Il paîs al è une vore lunc e al va dal 22° al 55° di latitudin. Par cui si passe de clime subtropicâl dal Chaco, cun estâts cjaldis e unviers clips, ae clime oceaniche frede de Patagonie. Tes Andis si à une clime montane une vore sute tal nord e ploiôs intal sud. Lis Andis a parin lis planis argjentinis dai aiars dal Pacific fûr che inte basse Patagonie La ploie a cale lant di est a ovest.
[cambie] Gjeografie umane
In Argjentine a son scuasit dal dut sparidis lis antighis popolazions amerindis, cualchidune a je restade dome intal Chaco. Fuartone e je stade la imigrazion europeane ingoloside des grandis planis e dal arlevament des bestiis. Il gaucho al è il non dal tipic mandrian e al è il simbul dal paîs. Dal 1869 al 1936 si è passâts da 17,7 milions di abitants a 12 milions di lôr. Grandone e je la influence de imigrazion taliane e spagnole. Alt al è il numar di imigrâts dal Friûl a tacà dal XIX secul e che al è continuât fin ai agns ’50 dal XX secul.
[cambie] Religjon
Scuasit il 80% de popolazion e je catoliche, une vore atîfs a son diviersis glesiis protestantis. La Argjentine e à ancje la plui grande comunitât ebraiche dal Sud Americhe (2%).
