Gurize

De Vichipedie, la enciclopedie libare dute in marilenghe.

Gurize

Non ufiziâl par talian	Gorizia
Provincie	Gurize
Part	Friûl oriental (di là dal Clap)
Altitudin	84 m s.n.m
Superficie	41 km²
Popolazion	36.615 ab.
Densitât	863 ab/km²
Frazions	Cjastiel, Lucinîs, Oslavie, Peume, Sant Maur, Sant Andree, Stracis, Ossari, Valon da l'Aghe, Gradiscjute, Pudigori, Moncjalvarie, Pubride, Machete, C.is Cipriani, Monsante, Plaçute, Sant Aroc, Madonute
Comuns confinants	Cuei (Brda) (SLO), Fare, Mosse, Gnove Gurize (Nova Gorica) (SLO), San Florean dal Cuei, Savogne di Gurize
CAP	34170
Prefìs telefonic	0481
Patron	Sants Ramacul e Fortunât
Sît istituzionâl
Cjale il Progjet comuns

Gurize (loc. Guriza) (par talian Gorizia, par sloven Gorìca , par todesc Görz , par servian e crauvat Gòrica - tes lenghis sclavis la "c" a si pronuncie "ts") e je une citât di 35.401 abitants, che e je just sul confin cun la Slovenie; di che altre bande dal confin e je le citât di Nova Gorica, nassude intal 1947 subit dopo de fin de Seconde Vuere Mondiâl. E je la citât plui a Est dulà che a si fevele par furlan (tes zonis di Lucinîs, Stracis, Monsante, Plaçute e Sant Aroc). Cjaulûc dal Friûl Isuntin. Citât cun dôs animis, partignint par istorie sedi al Friûl, sedi a la Vignesie Julie.

[cambie] Storie

Gurize e je nomenade pe prime volte ai 28 di Avrîl 1001 intun document cun cui l'imperatôr Ottone III al donave la citât (quae sclavonica lingua vocatur Goritia) al patriarc di Aquilee e ai Eppstein, conts dal Friûl. Cussì Gurizze e fo prime sot dal Patriarcjât di Acuilee, daspò sot dai conts de Bavarie. Tal 1500, muart l'ultin cont, Lenart, a Lienz, la citât e passà a Massimiliano I di Asburc, ancje se Vignesie al varès volût cjapâ je possès di Gurize, che tornarà a la Italie, tal mût di dut il Friûl orientâl, dome tal 1919 daspò de prime vuere mondiâl; a dîsi la veretât, i talians a cjaparin Gurize une prime volte ai 8 di avost dal 1916, ma par vie de rote di Cjaurêt, l'esercit talian a scugnì bandonâ la citât par ritirâsi ae diestre da la Plâf. De metât dal XVIII secul e fo sente arcjivescuvîl, cuntune jurisdizion une vore grande (rivave fintremai Como). Te Seconde Vuere Mondiâl, e fo ocupade prime di bande dai todescs (daspò dal armistizi dai 8 di setembar dal 1943) e pò di bande dai partezens titins tal mai dal 1945, ch'a semenarin terôr par 40 dìs. Daspò dal 1945 e à passât une dure crisi economiche.