Sauris
De Vichipedie, la enciclopedie libare dute in marilenghe.
| Sauris | |
 |
|
| Non ufiziâl par talian | Sauris |
| Provincie | Udin |
| Part | Cjargne |
| Altitudin | 1212 m s.n.m |
| Superficie | 41 km² |
| Popolazion | 414 ab. |
| Densitât | 10 ab/km² |
| Frazions | Sauris Disot (Sêt dal comun), Sauris Disore, Lateis, La Maine, Field/Velt |
| Comuns confinants | Dimpeç, For Disore, For Disot, Davâr, Prât, Vigo di Cjaduvri (BL) |
| CAP | 33020 |
| Prefìs telefonic | 0433 |
| Patron | Sant Svalt di Nortumbrie |
| Sît istituzionâl | |
| Cjale il Progjet comuns | |
Sauris (Zahre tal Sauran, il dialet todesc locâl) al è un comun che al dì di vuê al fâs part de provincie di Udin e al à 414 abitants.
Indis |
[cambie] Gjeografie
Sauris al è logât a 1.212 m (Sauris Disot, là ch'e jè logade la cjase comunâl) tal Cjanâl di Lumiei inte Cjargne, cenglât des monts Pieltinis (2.027 m) a nord, Col Zentîl (2.075 m) a jevât, Bivare (2.474 m) e Tinise (2.120 m) a sud e Crodon di Tiarfin (2.413 m) a bonât. In plui che il cjaulûc a fasin part dal comun lis frazions di:
- Sauris Disore (1.400 m) il paîs plui alt di dut il Friûl.
- Lateis (1.239 m), pojade suntun splaç sorevie il lâc
- La Maine (1.000 m)
- Field/Velt (1.280 m)
Il paesaç de valade di Sauris al è inzentilît di lâc artificiâl, creât par alimentâ lis centrâls idroeletrichis de Sade/Enel.
[cambie] Storie
Tal 1758 tal paîs i fo un grant fûc c'al distrùs l'archivi parocjâl di Sauris Disore, ridusint in cinise i documents rivuardants lis origjnis des comunitât saurane. Il prin document c'al nus è parvignût al è dal 1280, là che si à iniment di un Averard di Soclêf c'al ricognôs di vê vût in donazion de glesie di Aquilee un feud in Contratta de Sauris Stant a la leiende, samee che la comunitât di Sauris e sarês stade fondade di doi soldâts austriacs scjampâts da la vuere tal XIII secul; al è parò plui probabil che la imigrazion sedi avignude, simpri in chei agns dal Cjanâl di Lessach e de Pusterie.
[cambie] Lenghe
Propite par lis sôs origjinis todescjis in paîs si è simpri fevelât un dialet de lenghe todescje, clamât Sauran; al dì di vuè la marilenghe saurane e ven doprade cuasi nome de int di une cierte etât, e cussì ancje se il plui de popolazion lu capîs (al ven ancje insegnât tes scuelis madernis e elementârs), il Sauran, tal mût di dutis i lengaçs minôrs de nestre tiare, al stà colant in disùs infavôr di furlan e talian.
[cambie] Economie
La economie dal paîs tai timps passâts e jere soredut agricole, mentri vuè, in graciis des bielecis ambientalis e paesagjstichis, Sauris e fâs cont massime sul turisim, sedi estîf che invernâl (e jè la presince di pistis di schi), ma a son presints ancje cualchi stabiliments industriâl c'a produsin un speck e un persut une vore innomenâts e une bire ancjetant rinomade. Altris piçulis impresis a son impegnadis tai setôr edil, boschîf e de produzion de energje a traviers des centralinis idroeletrichis.
