Unjoni Ewropea

Minn Wikipedija, l-enċiklopedija ħielsa.

Unjoni Ewropea

Motto: In varietate concordia (Latin: Unità fid-Diversità) (Malti: Maqgħudin fid-Diversità)
Innu: Ode to Joy (orkestrali)
Lingwi Uffiċjali	Ara Lingwi ta' l-Unjoni Ewropea2
President tal-Kunsill	Jean-Claude Juncker (Lussemburgu3)
President tal-Kummisjoni	José Manuel Durão Barroso
President tal-Parlament	Josep Borrell
Area  - Total	is-7 post4 3,976,372 km²
Popolazzjoni  - Total (2004)  - Densità	it-3 post4 454,900,000 (EU-25) 116.4 persuna/km²
PGD (PPS) (2004)  - Total [1]  - Per capita [2]	l-1 post4 €10,202,336,800,000 €22,300
Furmat Bħala EEC  - Iffirmat  - Rinforzat Bħala UE  - Iffirmat  - Rinforzat	Trattat ta' Ruma  - 25 ta' Marzu, 1957  - 1 ta' Jannar, 1958 Trattat ta' Maastricht  - 7 ta' Frar, 1992  - 1 ta' Novembru, 1993
Munita	L-Ewro (EUR or €)5
Żona Temporali	UTC 0 sa +26
Internet TLD	.eu (effettiv minn 2005); second level .eu.int użat
Kodiċi Telefoniku	+37 (propost)
Note 1: Ara ismijiet uffiċjali oħra Note 2: Pajjiżi membri jista' jkollhom lingwi uffiċjali oħra Note 3: Sa l-1 ta' Lulju 2005 Note 4: jekk mgħadd bħala unità waħda Note 5: Użat minn membri ta' l-Eurozone u ta' l-istituzzjonijiet ta' l-UE Note 6: +1 sa +3 f' DST; French overseas départements, UTC -4 to +4 Note 7: Kull stat membru għandu l-kodiċi telefoniku tiegħu, f'żoni 3 u 4
immodifika

L-Unjoni Ewropea jew UE hija organizzazzjoni ta’ pajjiżi Ewropej, li fil-preżent tikkonsisti f’27 stat membru. L-Unjoni ġiet stabbilita taħt dan l-isem skond it-Trattat ta’ l-Unjoni Ewropea (jew kif inhu aħjar magħruf, it-Trattat ta’ Maastricht fl-1992. Iżda ħafna aspetti ta’ l-UE kienu jeżistu qabel din id-data grazzi għal serje ta’ organizzazzjonijiet predeċessuri li jmorru lura sa l-1950.

L-attivitajiet ta’ l-Unjoni Ewropea jkopru ħafna aspetti, minn saħħa u ekonomija sa affarijiet barranin u difiża. Skond il-poteri trasferiti lilha mill-pajjiżi membri, l-UE tista' titqies bħala federazzjoni (eż. politika dwar l-agrikoltura, kummerċ u ambjent), konfederazzjoni (eż. politika soċjali u ekonomika, protezzjoni tal-konsumatur, affarijiet interni) jew inkella organizzazzjoni internazzjonali (eż. affarijiet barranin). Attività primarja ta’ l-UE hija li twaqqaf u tamministra suq komuni, jikkonsisti minn customs union, munita waħdanija (imħaddna minn 13 mis-27 pajjiż membru), Politika Komuni dwar l-Agrikoltura u Politika Komuni dwar is-Sajd.

Fid-29 ta’ Ottubru 2004, il-kapijiet ta’ l-istati Ewropej iffirmaw Trattat li jistabbilixxi Kostituzzjoni Ewropea, li bħalissa qiegħda tistenna ratifika mill-istati membri individwali.

Werrej 1 Status 2 Bażi Legali 3 Istituzzjonijiet ta’ l-UE 4 Kwistjonijiet Kurrenti 5 Stati Membri u Tkabbir Suċċessiv 5.1 Membri Futuri ta' l-UE 5.2 Status ta’ Territorji overseas 6 Struttura 7 Fatti dwar il-Pajjiżi ta' l-Unjoni Ewropea 7.1 Awstrija 7.2 Belġju 7.3 Bulgarija 7.4 Ċipru 7.5 Danimarka 7.6 Estonja 7.7 Finlandja 7.8 Franza 7.9 Ġermanja 7.10 Greċja 7.11 Irlanda 7.12 Italja 7.13 Latvja 7.14 Litwanja 7.15 Lussemburgu 7.16 Malta 7.17 Olanda 7.18 Polonja 7.19 Portugall 7.20 Renju Unit 7.21 Repubblika Ċeka 7.22 Rumanija 7.23 Slovakkja 7.24 Slovenja 7.25 Spanja 7.26 Svezja 7.27 Ungerija 8 Fatti dwar il-Pajjiżi li mhux fl-Unjoni Ewropea, iżda jużaw l-Ewro 8.1 Andorra 8.2 Monako 8.3 Montenegro 8.4 San Marino 8.5 Vatikan

[editja] Status

Fil-preżent, l-Unjoni Ewropea hija l-aktar organizzazzjoni reġjonali potenti. F’ċerti postijiet fejn l-istati membri ttrasferew ammont ta’ sovranità lill-Unjoni, l-UE tidher tixbah iktar lil xi federazzjoni jew kofederazzjoni. Iżda l-istati membri jibqgħu jikkontrollaw it-trattati, jiġifieri l-Unjoni m’għandhiex is-setgħa li tieħu l-poter minn fuq il-pajjiżi mingħajr il-kunsens tagħhom. Dan apparti l-fatt li l-pajjiżi membri jibqgħu jħaddnu l-politika tagħhom f’dawk l-oqsma ta’ importanza nazzjonali, bħal relazzjonijiet barranin u d-difiża.

Din l-istruttura unika, probabbilment iġġiegħlek tħares lejn l-Unjoni Ewropea iktar bħala entità sui generis.

L-istatus kurrenti u futur ta’ l-UE huwa s-suġġett ta’ ħafna battibekki politiċi fost il-pajjiżi membri.

[editja] Bażi Legali

Il-bażi legali ta’ l-Unjoni Ewropea hija sekwenza ta’ trattati bejn il-pajjiżi membri. Dawn ġew emendati ħafna drabi tul is-snin, b’kull trattat ġdid jemenda u jissupplimenta dak ta’ qablu. L-ewwel trattat li seħħ kien it-Trattat ta’ Pariġi tal-1951 li stabbilixxa l-Komunità Ewropea għall-Faħam u l-Azzar (European Coal and Steel Community; ECSC) bejn grupp oriġinali ta’ sitt pajjiżi Ewropej li kienu jinkludu lil Franza, il-Belġju, l-Olanda, il-Lussemburgu¸ l-Italja, u r-Repubblika Federali tal-Ġermanja.

Minn dak iż-żmien ’l hawn, dan it-trattat skada u l-funzjonijiet tiegħu ġew meħuda minn trattati oħra li ġew warajh. Minn naħa l-oħra, it-Trattat ta’ Ruma ta’ l-1957 għadu jgħodd sal-lum, avolja ġie emendat, partikolarment bit-Trattat ta’ Maastricht ta’ l-1992, li stabbilixxa l-Unjoni Ewropea taħt dan l-isem. It-Trattat ta' Ruma kien essenzjali biex tiġi stabbilita l-Komunità Ekonomika Ewropea (European Economic Community; EEC) kif ukoll l-Komunità ta’ l-Enerġija Atomika Ewropea (European Atomic Energy Community; EAEC jew Euratom). Il-ħolqien ta’ suq komuni kellu jkun wieħed mill-għanijiet ewlenija ta’ l-unifikazzjoni tal-Ewropa għal ħafna żmien. L-aħħar modifikazzjonijiet li saru fuq it-Trattat ta’ Ruma ġew miftiehma bħala parti mit-Trattat ta' Sħubija ta’ 10 stati membri ġodda, li ġie implimentat fl-1 ta’ Mejju, 2004.

Riċentement, l-istati membri ta’ l-UE qablu mal-kontenut ta’ trattat kostituzzjonali li, jekk jiġi ratifikat mill-pajjiżi membri, għandu jkun l-ewwel kostituzzjoni uffiċjali ta’ l-UE, li tirrimpjazza t-trattati kollha preċedenti b’dokument wieħed.

F’każ li t-trattat tal-kostituzzjoni ma jiġix ratifikat mill-membri kollha ta’ l-UE, ikun hemm bżonn li jerġgħu jinfetħu n-negozjati fuqu. Ħafna politiċi u uffiċjali jaqblu li l-istrutturi pre-kostituzzjonali huma inefiċċjenti għall-unjoni ta’ 25 stat membru li qiegħda dejjem tikber maż-żmien. Politiċi f’ċerti pajjiżi membri (partikolarment fi Franza), issuġġerew li jekk ikun hemm biss ftit pajjiżi li ma jirratifikawx it-trattat, il-bqija ta’ l-Unjoni għandha tinjorahom u timxi mingħajrhom. Dan l-aġir pjuttost kontroversjali jista' possibilment joħloq unjoni oħra iktar Avant Garde ta’ pajjiżi li kkommettew ruħhom għal dan it-trattat, ġewwa l-unjoni preżenti.

Ara ukoll:

• Trattati ta’ l-UE
• Trattat li jistabbilixxi Kostituzzjoni Ewropea

[editja] Istituzzjonijiet ta’ l-UE

L-UE m’għanda l-ebda kapitali uffiċjali u l-istituzzjonijiet tagħha huma mifruxa f’ħafna bliet:

• Brussell hija s-sede tal-Kummissjoni Ewropea u tal-Kunsill tal-Ministri, fejn isiru wkoll il-laqgħat tal-kumitat u xi sessjonijiet plenarji tal-Parlament Ewropew. Sa minn l-aħħar tkabbir ta’ l-UE, fi Brussell qed jinżammu ukoll is-summits (il-qċaċet/il-laqgħat-quċċata) kollha tal-Kunsill Ewropew. Għal dawn ir-raġunijiet, Brussell tista' tiġi kkunsidrata de facto, il-kapitali ta’ l-UE.

• Strasbourg hija s-sede tal-Parlament Ewropew kif ukoll il-post fejn isiru ħafna mis-sessjonijiet plenarji. Hija wkoll il-benniena ta’ l-istituzzjonijiet storiċi ta’ "Ewropa ikbar" (Kunsill ta’ l-Ewropa, Qorti Ewropea għad-Drittijiet tal-Bniedem), li jikkooperaw ma’ l-UE.

• Il-Qorti Ewropea tal-Ġustizzja u s-segretarjat tal-Parlament Ewropew jinsabu l-Lussemburgu.

• Il-Bank Ċentrali Ewropew jinsab Frankfurt.

Robert Schuman

[editja] Kwistjonijiet Kurrenti

Bħalissa, l-kwistjonijiet prinċipali li qed tiffaċċja l-UE jinkludu tkabbir lejn in-nofsinhar u l-lvant tal-kontinent, (ara isfel), ir-relazzjonijiet ma’ l-Istati Uniti, ir-reviżjoni tar-regoli tal-Patt ta’ Stabilità u Tkabbir, u r-ratifikazzjoni tal-Kostituzzjoni Ewropea mill-pajjiżi membri.

[editja] Stati Membri u Tkabbir Suċċessiv

'Artikli prinċipali: Pajjiżi membri ta' l-Unjoni Ewropea, Tkabbir ta' l-Unjoni Ewropea, Pajjiżi ġirien li jdawru l-Unjoni Ewropea, Il-kriterji ta' l-isħubija.

Sa mill-1 ta' Mejju, 2004, l-Unjoni Ewropea tikkonsisti f'25 pajjiż membru. L-erja totali ta' dawn il-25 pajjiż (2004) hija 3,892,685 km². Kieku kienet pajjiż, l-UE kienet tkun is-seba' l-akbar pajjiż fid-dinja mid-daqs. In-numru ta' ċittadini ta' l-UE (kull ċittadin ta' pajjiż membru ta' l-UE, skond it-termini stipulati fit-Trattat ta' Maastricht) fil-25 stat, jammonta, bejn wieħed u ieħor, 453 million (Marzu 2004). Din il-figura hija it-tielet l-akbar fid-dinja wara ċ-Ċina u l-Indja.

Fl-1952/1958 is-sitt pajjiżi fundaturi ta' l-UE kienu: il-Belġju, Franza, il-Ġermanja tal-Punent, l-Italja, il-Lussemburgu u l-Olanda. Minn dakinhar, 19-il pajjiż ieħor ingħaqdu ma' l-UE fi tkabbir sussegwenti:

Sena	Pajjiżi
1973	Danimarka, Irlanda, u r-Renju Unit
1981	Greċja
1986	Portugall u Spanja
1995	Awstrija, Finlandja, u Svezja
2004	Ċipru, Repubblika Ċeka, Estonja, Ungerija, Latvja, Litwanja, Malta, Polonja, Slovakkja u Slovenja
2007	Bulgarija u Rumanija

Noti:

• Greenland, li ġiet mogħtija home rule mid-Danimarka fl-1979, telqet mill-Komunitajiet Ewropej fl-1985, wara referendum.
• fl-1990: it-territorju u l-popolazzjoni tal-Komunità Ewropea żdiedu meta l-Ġermanja ta’ Lvant ingħaqdet mal-Ġermanja tal-Punent.

[editja] Membri Futuri ta' l-UE

It-tkabbir li jmiss ta' l-UE, huwa mistenni li jseħħ fl-2007, biż-żieda tal-Bulgarija u r-Rumanija. Il-Kroazja hija wkoll kandidat uffiċjali, iżda fil-preżent in-negozjati ġew posposti.

Attwalment, it-Turkija hija l-aħħar kandidat uffiċjali, għalkemm għadha ma ġietx definita data meta din ser tingħaqad ma’ l-Unjoni. Iktar informazzjoni fuq tkabbir futur jista' jinsab fl-artiklu Tkabbir ta’ l-Unjoni Ewropea.

Ħafna pajjiżi bħan-Norveġja u l-Isvizzera li fil-preżent m’humiex membri ta’ l-UE, xorta għandhom ftehim speċjali ma’ l-unjoni. (Ara l-artiklu dwar relazzjonijiet ta' terzi pajjiżi ma l-UE). Ħafna mill-membri ta' l-EFTA (European Free Trade Association) huma sħab mat-Trattat ta' l-EEA (European Economic Area), li jfisser li dawn il-pajjiżi jistgħu jipparteċipaw ukoll fis-suq komuni.

[editja] Status ta’ Territorji overseas

Ċerti postijiet għandhom konnessjonijiet jew assoċjazzjonijiet ma’ l-istati membri ta' l-UE minħabba l-passat kolonjali tagħhom, rabtiet kulturali jew ġeografiċi. Għar-relazzjoni ta’ l-UE ma' Greenland, l-Isle of Man, l-Azores u Madeira, fost oħrajn, ara l-artiklu dwar Territorji ta’ stati membri speċjali u r-relazzjoni tagħhom ma’ l-UE.

[editja] Struttura

Il-liġijiet ta’ l-Unjoni Ewropea jinkludu numbru kbir ta' strutturi legali u istituzzjonali li huma sovvrapposti fuq xulxin. Dan huwa r-riżultat tal-ħafna trattati internazzjonali suċċessivi li seħħew maż-żmien. Fi żminijiet riċenti, saru ħafna sforzi konsiderevoli biex jiġu konsolidati u simplifikati dawn it-trattati, li fl-aħħar mill-aħħar wasslu għall-abbozz tat-Trattat li jistabilixxi Kostituzzjoni Ewropea. Jekk dan it-trattat propost jiġi adottat, dan jispiċċa biex jieħu post it-trattati l-oħra li attwalment jiffurmaw il-kostituzzjoni ta’ l-UE.

Unjoni Ewropea (UE)
Awstrija | Belġju | Ċipru | Repubblika Ċeka | Danimarka | Estonja | Finlandja | Franza | Ġermanja | Greċja | Ungerija | Irlanda | Italja | Latvja | Litwanja | Lussemburgu | Malta | Olanda | Polonja | Portugall | Slovakkja | Slovenja | Spanja | Svezja | Renju Unit

[editja] Fatti dwar il-Pajjiżi ta' l-Unjoni Ewropea

[editja] Awstrija

• Isem uffiċjali: Ir-Repubblika ta' l-Awstrija
• Popolazzjoni: 8.2 miljuni
• Belt Kapitali: Vjenna
• Area: 83,871 km kwadru
• Lingwa uffiċjali: il-Ġermaniż
• Reliġjon prinċipali: Kristjana
• Flus: 1 Ewro = 100 ċenteżmu
• Affarijiet li jesportaw: Magni, metall, karti, tessuti, u ikel
• Tul tal-ħajja: l-irġiel 76 sena, u n-nisa 82 sena

[editja] Belġju

• Isem uffiċjali: Ir-Renju tal-Belġju
• Popolazzjoni: 10.4 miljuni
• Belt Kapitali: Brussel
• Area: 30,528 km kwadru
• Lingwi uffiċjali: l-Olandiż, il-Franċiż, u l-Ġermaniż
• Reliġjon prinċipali: Kristjana
• Flus: 1 Ewro = 100 ċenteżmu
• Affarijiet li jesportaw: Oġetti elettroniċi u magni, kimika, vetturi, metall, u djamanti
• Tul tal-ħajja: l-irġiel 76 sena, u n-nisa 82 sena

[editja] Bulgarija

• Isem uffiċjali: Ir-Repubblika tal-Bulgarija
• Popolazzjoni: 7.8 miljuni
• Belt Kapitali: Sofja
• Area: 110,994 km kwadru
• Lingwa uffiċjali: il-Bulgaru
• Reliġjon prinċipali: Kristjana
• Flus: 1 lev = 100 stotinki
• Affarijiet li jesportaw: Plastik u kimika, ikiel u xorb, tabakk, u oġett biex jibnu l-magni
• Tul tal-ħajja: l-irġiel 69 sena, u n-nisa 76 sena

[editja] Ċipru

• Isem uffiċjali: Ir-Repubblika ta' Ċipru
• Popolazzjoni: 807,000 ruħ
• Belt Kapitali: Nikosija
• Area: 9,251 km kwadri
• Lingwi uffiċjali: il-Grieg u t-Tork
• Reliġjonijiet prinċipali: Kristjana, u Islam
• Flus: lira Ċiprijotta = 100 ċenteżmu, u lira Torka
• Affarijiet li jesportaw: Ħwejjeġ, pattata, sigaretti, u farmaċewtika
• Tul tal-ħajja: l-irġiel 76 sena, u n-nisa 81 sena

[editja] Danimarka

• Isem uffiċjali: Ir-Renju tad-Danimarka
• Popolazzjoni: 5.4 miljuni
• Belt Kapitali: Kopenħagen
• Area: 43,098 km kwadru
• Lingwa uffiċjali: id-Daniż
• Reliġjon prinċipali: Kristjana
• Flus: 1 krone = 100 ore
• Affarijiet li jesportaw: Oġetti tal-magni, magni, ikel u kimika
• Tul tal-ħajja: l-irġiel 75 sena, u n-nisa 79 sena

[editja] Estonja

• Isem uffiċjali: Ir-Repubblika ta' l-Estonja
• Popolazzjoni: 1.3 miljuni
• Belt Kapitali: Tallinn
• Area: 45,227 km kwadru
• Lingwi uffiċjali: l-Estonjan, u r-Russu
• Reliġjon prinċipali: Kristjana
• Flus: 1 kroon = 100 sents
• Affarijiet li jesportaw: Magni, tessuti, u prodotti ta' l-injam
• Tul tal-ħajja: l-irġiel 65 sena, u n-nisa 77 sena

[editja] Finlandja

• Isem uffiċjali: Ir-Repubblika tal-Finlandja
• Popolazzjoni: 5.2 miljuni
• Belt Kapitali: Ħelsinki
• Area: 338,145 km kwadru
• Lingwi uffiċjali: il-Finlandiż, u l-Isvediż
• Reliġjon prinċipali: Kristjana
• Flus: 1 Ewro = 100 ċenteżmu
• Affarijiet li jesportaw: Affarijiet elettroniċi u magni, karti u prodotti tal-karti, u kimika
• Tul tal-ħajja: l-irġiel 75 sena, u n-nisa 82 sena

[editja] Franza

• Isem uffiċjali: Ir-Repubblika Franċiża
• Popolazzjoni: 60.7 miljuni
• Belt Kapitali: Pariġi
• Area: 543,965 km kwadru
• Lingwa uffiċjali: il-Franċiż
• Reliġjon prinċipali: Kristjana
• Flus: 1 Ewro = 100 ċenteżmu
• Affarijiet li jesportaw: Oġetti ta' magni u trasport, prodotti agrikoli, li jikludu l-inbid
• Tul tal-ħajja: l-irġiel 76 sena, u n-nisa 83 sena

[editja] Ġermanja

• Isem uffiċjali: Ir-Repubblika Federali tal-Ġermanja
• Popolazzjoni: 82.5 miljuni
• Belt Kapitali: Berlin
• Area: 357,027 km kwadru
• Lingwa uffiċjali: il-Ġermaniż
• Reliġjon prinċipali: Kristjana
• Flus = 1 Ewro = 100 ċenteżmu
• Affarijiet li jesportaw: Vetturi, magni elettroniċi, u metall
• Tul tal-ħajja: l-irġiel 76 sena, u n-nisa 81 sena

[editja] Greċja

• Isem uffiċjali: Ir-Repubblika Ellenika
• Popolazzjoni: 11-il miljun
• Belt Kapitali: Ateni
• Area: 131,957 km kwadri
• Lingwa uffiċjali: il-Grieg
• Reliġjon prinċipali: Kristjana
• Flus: 1 Ewro = 100 ċenteżmu
• Affarijiet li jesportaw: Tessuti u ħwejjeġ, ikel, u prodotti taż-żjut
• Tul tal-ħajja: l-irġiel 76 sena, u n-nisa 81 sena

[editja] Irlanda

• Isem uffiċjali: Irlanda (bl-Irlandiż: Èire)
• Popolazzjoni: 4 miljuni
• Belt Kapitali: Dublin
• Area: 70,182 km kwadru
• Lingwi uffiċjali: l-Ingliż, u l-Irlandiż
• Reliġjon prinċipali: Kristjana
• Flus: 1 Ewro = 100 ċenteżmu
• Affarijiet li jesportaw: Magni, kimika, u ikel
• Tul tal-ħajja: l-irġiel 75 sena, u n-nisa 80 sena

[editja] Italja

• Isem uffiċjali: Ir-Repubblika Taljana
• Popolazzjoni: 57.2 miljuni
• Belt Kapitali: Ruma
• Area: 301,338 km kwadru
• Lingwa uffiċjali: it-Taljan
• Reliġjon prinċipali: Kristjana
• Flus: 1 Ewro = 100 ċenteżmu
• Affarijiet li jesportaw: Oġetti ta' magni u trasport, kimika, ħwejjeġ u inbid
• Tul tal-ħajja: l-irġiel 77 sena, u n-nisa 83 sena

[editja] Latvja

• Isem uffiċjali: Ir-Repubblika tal-Latvja
• Popolazzjoni: 2.3 miljuni
• Belt Kapitali: Riga
• Area: 64,589 km kwadri
• Lingwi uffiċjali: il-Latvjan, u r-Russu
• Reliġjon prinċipali: Kristjana
• Flus: 1 lats = 100 santins
• Affarijiet li jesportaw: Prodotti ta' l-injam, injam lest, ħut, u prodotti mill-ħut
• Tul tal-ħajja: l-irġiel 66 sena, u n-nisa 77 sena

[editja] Litwanja

• Isem uffiċjali: Ir-Repubblika tal-Litwanja
• Popolazzjoni: 3.4 miljuni
• Belt Kapitali: Vilnjus
• Area: 65,300 km kwadru
• Lingwi uffiċjali: il-Litwan, u r-Russu
• Reliġjon prinċipali: Kristjana
• Flus: 1 litas Litwan = 100 centas
• Affarijiet li jesportaw: Tessuti, ħwejjeġ, fertiliżazzjoniet, u magni industrijali
• Tul tal-ħajja: l-irġiel 66 sena, u n-nisa 78 sena

[editja] Lussemburgu

• Isem uffiċjali: Il-Gran Duka tal-Lussemburgu
• Popolazzjoni: 465,000 ruħ
• Belt Kapitali: Lussemburgu
• Area: 2,588 km kwadru
• Lingwi uffiċjali: il-Franċiż, il-Ġermaniż, u l-Lussemburgiż
• Reliġjon prinċipali: Kristjana
• Flus: 1 Ewro = 100 ċenteżmu
• Affarijiet li jesportaw: Prodotti ta' l-azzar, kimika, u prodotti tal-gomma
• Tul tal-ħajja: l-irġiel 75 sena, u n-nisa 81 sena

[editja] Malta

• Isem uffiċjali: Ir-Repubblika ta' Malta
• Popolazzjoni: 402,000 ruħ
• Belt Kapitali: il-Belt Valletta
• Area: 316 km kwadru
• Lingwi uffiċjali: il-Malti, u l-Ingliż
• Reliġjon prinċipali: Kristjana
• Flus: 1 Lira Maltija = 100 ċenteżmu
• Affarijiet li jesportaw: Oġetti ta' magni u trasport
• Tul tal-ħajja: l-irġiel 76 sena, u n-nisa 81 sena

[editja] Olanda

[editja] Polonja

[editja] Portugall

[editja] Renju Unit

[editja] Repubblika Ċeka

[editja] Rumanija

[editja] Slovakkja

[editja] Slovenja

[editja] Spanja

[editja] Svezja

[editja] Ungerija

[editja] Fatti dwar il-Pajjiżi li mhux fl-Unjoni Ewropea, iżda jużaw l-Ewro

[editja] Andorra

• Isem uffiċjali: Il-Prinċepalità ta' Andorra
• Popolazzjoni: 64,000 ruħ
• Belt Kapitali: Andorra la Vella
• Area:
• Lingwi uffiċjali: il-Katalan, l-Ispanjol, u l-Franċiż
• Reliġjon: Kristjana
• Flus: Ewro
• Jesportaw: Affarijiet tal-ġilda
• Tul tal-ħajja: l-irġiel 81 sena, u n-nisa 87 sena

[editja] Monako

• Isem uffiċjali: Il-Prinċepalità ta' Monako
• Popolazzjoni: 32,000 ruħ
• Belt Kapitali: Monako
• Area: 1.95 km kwadri
• Lingwa uffiċjali: Franċiż
• Reliġjon: Kristjana
• Flus: Ewro
• Jesportaw: farmaċewtika, fwieħa, u ħwejjeġ
• Tul tal-ħajja: l-irġiel 75 sena, u n-nisa 83 sena

[editja] Montenegro

• Isem uffiċjali: Ir-Repubblika ta' Montenegro
• Popolazzjoni: 620,000 ruħ
• Belt Kapitali: Podgorika
• Area: 13,812 km kwadru
• Lingwi uffiċjali: is-Serb, u l-Albaniż
• Reliġjonijiet: Kristjana, u Islam
• Flus: Ewro
• Jesportaw: Aluminjum
• Tul tal-ħajja: l-irġiel 71 sena, u n-nisa 76 sena

[editja] San Marino

• Isem uffiċjali: Ir-Repubblika ta' San Marino
• Popolazzjoni: 27,000 ruħ
• Belt Kapitali: San Marino
• Area: 61.2 km kwadri
• Lingwa uffiċjali: it-Taljan
• Reliġjon: Kristjana
• Flus: Ewro
• Jesportaw: Inbid, ċeramika, għamara, u xogħol t'artiġjanat
• Tul tal-ħajja: l-irġiel 78 sena, u n-nisa 85 sena

[editja] Vatikan

• Isem uffiċjali: L-Istat tal-Belt tal-Vatikan
• Popolazzjoni: 900 ruħ
• Belt Kapitali: il-Belt tal-Vatikan
• Area: 0.44 km kwadri
• Lingwi uffiċjali: il-Latin, u t-Taljan
• Reliġjon: Kristjana
• Flus: Ewro, u Lira tal-Vatikan
• Jesportaw: Bollol, publikazzjoniet, u souveneries tat-turisti
• Tul tal-ħajja: l-irġiel 74 sena, u n-nisa 81 sena