Europäische Union
Aus Wikipedia
 |
Der Artikl is im Dialekt „Ståd-Såizburgarisch“ gschriem worn. | |
De Europäische Union (Åkürzung: EU) is a Schdååtnvabund vaû 27 europäischen Stååtn mid 459,5 Millionen Êîwohnan und m greßtn Brudtoinlåndsprodukt vau da Wöid.
 Details zur Europaflagge |
|
| Hymne Europahymne (Ode ån de Freid) |
|
| Wåihschbruch Europamotto (In Vüüfåit geeint) |
|
 |
|
 |
|
| Mitgliadsstååtn | Belgien, Bulgarien, Deitschlånd, Frånkreich, Italien, Luxmburg, Niedalånde, Dänemark, Irlånd, Vaeinigts Königreich, Griechnlånd, Portugal, Rumänien, Spanien, Finnlånd, Östareich, Schwedn, Estlånd, Ledtlånd, Litaun, Malta, Poin, Slowakei, Slowénien, Tschechei, Ungarn, Zypan |
| Årbeitsschbråchn | Deitsch, Englisch, Französisch |
| Sitz vaum Europäischn Rååt | Brüssl (Genaralsekretariat) |
| Kommissjonssitz | Brüssl |
| Ministarååtssitz | Brüssl |
| Parlamentssitz | de facto Stråssburg |
| Präsidént vaum Europäischn Rååt | Matti Vanhanen |
| Kommissjonspräsidént | José Manuel Durão Barroso |
| Präsident vaum Rååt da Europäischen Union | Erkki Tuomioja |
| Parlamentspräsident | Josep Borrell |
| Flächn | 3.975.372 km² |
| Bevökarung | 456,95 Milljonen |
| Bevökarungsdichtn | 115,6 Ew. pro km² |
| Grindung | 1. November 1993 |
| Feiadåg | 9. Mai (Europadåg) |
| Währungen | Euro (nua in da Eurozone) |
| Zeitzonen | UTC 0 bis +2 |
| Internet-TLD | .eu |
Inhaltsverzeichnis |
[dro wärkln] Geografie
Dé Europäische Union håd a Flächn vau 3.975.372 km² und a Küstnläng vau 65.413,9 km. Sie reicht im Nordostn bis Finnlånd, im Nordwestn bis Irlånd, im Südostn bis Zypern und im Südwestn bis Portugal. Dazua kemman de übaseeischn Territorien:
- Frånkreich: Guadeloupe, Französisch-Guayana, Martinique, Réunion
- Spanien: Kanarn, Ceuta und Melilla
- Portugal: Azoren und Madeira
Ålle Stååten (mid da Ausnåhm vau de Üwaseeterritorien und Zypern) lieng in Europa. 2004 is mid Zypern a a Stååt aufgnumman worn, der geografisch zua Asien zöid werd. De gsåmte Europäische Union (ohne de Außnterritorien) liengan auf da Eurasischn Plåttn.
Da geografische Midtlpunkt vau da Europäischen Union is Kleinmaischeid (Glaameischeid) im Westerwald (Westawåid) in Deitschlånd.
Da Mont Blanc liegt in de Savoyer Åipm und is mit 4808 m da hechste Berg vau da EU. Da greßte See ist da Vänersee, a Binnensee im Südwestn vau Schwedn mit ana Flächn vau 5650 km². Da längste Fluss is de Donau mit 2850 km, vau dera åba nur 1627 km die EU durchfliassn. Sie endspringt im Schwårzwåid und mündet im Donaudöita ins Schwårze Meer.
's Klima reicht im Nordn vaum Kåidn Klima bis zum Subtropischm Klima im Südn. Im Nordn (Finnlånd) liengan de Durchschnidtstemparaturn bei -13 °C im Winta und +15 °C im Summa. Dageng wird im Südn (Malta) im Winter a durchschnidtliche Temparatur vau +12 °C und im Summa vau +25 °C darreicht.
[dro wärkln] De Åmtsspråchn vau da EU
Dialekt: Steirisch
A jede Sproch, de in am Mitgliedsstoot primäre Åmtssproch is, gütet im Europäischn Parlament und ba da Kommission ols Åmtssproch. So hot zum Beispü a jeda Obgeordnete im Europaparlament des Recht, dass er in seiner Hoamatsproch Redn holtn kou und a a Iwasetzung va die onnan kriag. Des hot oan damols festglegt ols Zeichn, dass die Sprochn ols Kultur va die Völker olle gleich vü wert sei sulln.
[dro wärkln] Momentane Åmtsspråchn
- Bulgarisch
- Dänisch
- Deitsch
- Englisch
- Estnisch
- Finnisch
- Französisch
- Griechisch
- Irisch (ab 2007)
- Italienisch
- Lettisch
- Litauisch
- Maltesisch
- Niedaländisch
- Poinisch
- Portugiesisch
- Rumänisch
- Schwedisch
- Slowakisch
- Slowénisch
- Spanisch
- Tschechisch
- Ungarisch
[dro wärkln] Probleme
Heit iwalegt oan awa scho, ob oan de Regelung in Zukunft holtn kou. Bsundas jetz, wo Rumänien und Bulgarien dazua kemm san und wo a Minderheitnsprochn wia de vo die Roma onerkounnt werdn sull, is as Problem, dass oan nocha völli mehr Iwasetzer ols wia Obgeordnete hot, walst jo fia jede Sproch mindestns so vü Übersetzer brauchst, wie onnare Sprochn san.
