灣鱷
出自維基百科，自由嘅百科全書
 |
||||||||||||||||
|---|---|---|---|---|---|---|---|---|---|---|---|---|---|---|---|---|
 |
||||||||||||||||
|
|
||||||||||||||||
 Least concern (LR/lc) |
||||||||||||||||
| 物種分類 | ||||||||||||||||
|
||||||||||||||||
|
|
||||||||||||||||
| Crocodylus porosus (Schneider, 1801) |
||||||||||||||||
| Image:Crocodylus porosus range.PNG Range of the Saltwater Crocodile in black
|
灣鱷，又叫做鹹水鱷、食人鱷、或者河口鱷，係 23 種鱷魚品種入面最大隻嘅，亦都係家下世界上最大嘅爬蟲類。由於佢係鱷目中唯一頸背無大鱗片嘅鱷魚，所以亦叫做裸頭鱷。鱷魚公大隻之後可以有 7 米長，但一般唔會超過5米。鱷魚乸最大體長差唔多 2.5 到 3 米到。成年體重可以有 100 到 200 千克。細個嗰陣係淡啡色，身同尾有黑色斑點條紋。大過之後顏色會比較深，腹部淡黃色或者係白色，條尾下面最尾嘅部份係灰色。世界紀錄到最大嘅灣鱷有 10 米長。
目錄 |
[編輯] 分佈同生境
灣鱷係熱帶同亞熱帶嘅物種。原產泰國 、馬來西亞等東南亞地區、印度 、南中國海一帶亦都有發現，主要分佈喺澳洲 、巴布亞新畿內亞。灣鱷適應力非常頑強，可以住喺唔同嘅濕地，例如河口、紅樹林 、沼澤、海岸等鹹淡水區域。
最少喺一世紀前仍喺華南地區出沒。而喺香港發現嘅骨骼展示佢哋舊時曾經響度出沒，可能喺紅樹林棲息；但係我哋難免會聯想到，依啲大型爬行類動物或者亦住響香港其他嘅低地河流。
[編輯] 習性
灣鱷屬於兇猛嘅大型鱷魚，有好強嘅地盤意識，同時擁有適應高鹽度水質嘅生理結構。灣鱷位處濕地食物鏈嘅最高層次，有啲地區嘅灣鱷甚至比老虎仲可怕。小灣鱷主要係食昆蟲 、兩棲類 、甲殼類 、細小嘅爬行類 、魚類，成年灣鱷會捕食體形更大嘅動物，但主要係食泥蟹 、龜 、巨蜥 、水鳥，部分體形更大嘅成年灣鱷甚至會捕食水牛，牲畜、野豬 、猴子。喺澳洲，灣鱷更加有食人，襲擊船隻嘅記錄，所以佢哋又叫做「食人鱷」。
交配季節喺 5 至 6 月之間，因應地區而定：泰國品種喺 7 至 8 月生蛋，爪哇品種甚至可以喺2月見到鱷魚蛋。鱷魚公用身軀壓喺鱷魚乸背上，前肢捉實鱷魚乸唔放，用尾繞住鱷魚乸後面，進行交配，持續幾個鐘。灣鱷利用爛草整個巢，每次產 20 至 90 隻蛋。經過 75日（爪哇品種）至 96 日（斯里蘭卡品種）就可以孵出幼鱷。
[編輯] 歷史文化
中國古代嘅灣鱷分佈記錄：海南島附近嘅《巡海記》。話說李准曾經喺1907年乘坐「伏波」、「琛航」兩艘軍艦從海南島駛去西沙群島一帶視察。佢響《巡海記》入面描述過曾經有灣鱷爬上艦邊，鱷魚最後被擊斃。
之後，Lesson（1801年），Boukenger（1889年）同 Gadow（1901年）都先後發現灣鱷喺中國南方出現，但係並無具體地點同可供查證嘅實物標本。而喺香港發現嘅骨骼顯示灣鱷嚿時曾經喺華南地區出沒，大概喺紅樹林棲息。
[編輯] 種群動態同保護
喺香港，依家只有香港濕地公園、嘉道理農場暨植物園有養灣鱷，舊時荔園動物園亦都有公開嘅灣鱷展覽。
[編輯] 資料來源
- 《中國動物志：爬行綱》
- 《兩生爬行類圖鑑》
- 《香港生態情報》
- 《中國重點野生動物研究叢書：揚子鱷研究》
