Wikipedia:Willkommen
Us der alemannische Wikipedia, der freie Dialäkt-Enzyklopedy
| Technische Yschränkung: Dr koräkt Titel wär: »Wikipedia:Willcho« |
Glückwunsch! Ihr sin bi dr alemannische Wikipedia glandet - des isch e Enzyklopädii, wu an dr Biiträg gmeinsam gschafft wird un wu d Biitäg derfe frej gnutz wäre. S Wort Wikipedia setzt sich us Wiki un Enzyklopädii zämme. Wiki sin Websitte, wu jeder praktisch un liicht diräkt im Browser cha ändere.
Im November 2003 isch d elsässisch Wikipedia gründet wore; im September 2004 isch si zu nere alemannische Wikipedia erwiiteret wore. Si verfüegt momentan über 2.918 Artikel. D alemannisch Wikipedia isch e Projäkt für alli Interessierte im e große Umchreis um de Bodensee. Alli wu im Elsass (F), im Oberbadische (D), im Schwäbische, in dr Dütschschwiiz (CH), im Liechtestei (FL) un z Voradelbärg (A) alemannisch rede, könne do in ihrere Sproch bzw. in ihrenem Dialäkt
- Artikel verfasse, verbessere, oder
- Artikel us andere Wikipedia-Sproche ins Alemannisch übersetze - do derbii sotte aber Wort-für-Wort-Übersetzige vermiide wäre.
Mit däm wärte mir s Aemannisch uf un sorge für dr Erhalt vu däre Sproch, wu gebietswiis scho am Usstärbe isch.
Meh über unser Schaffe finden-er in underem Profil; wiä e Artikel sott ussäh, finden-er do.
D Inhalt vu dr Wikipedia unterliige in dr GNU Freie Dokumentationslizenz. Des bedütet, jeder, wo will, derf si frej kopiäre un verwände, wänn er d Quälle un d Autore agit.
Des isch e uffe Gmeinschaftsprojäkt. Jeder ka do mitschaffe, un zwar ganz ohni Ameldig - wänn die au e paar Vorteil bietet (lueg unte).
Ihr wäre s gschnäll merke: D Teilnämmer an dr Wikipedia diskutiere mitenander, hälfe sich gegesiitig un rede sich doderbii in dr Regel mit Du a. Wänn-er wänn, verwänden-er s "Si". Aber s wird nüt nutze. Ihr wäre änewäg duzt.
[ändere] Ameldig un Benutzerdate
Obe rächts ka mer sich amälde un e Benutzernamme gää, wu drno aber bi allene Arbete an dr Artikel gspeicheret wird. (Dodrzue müen d Cookie im Browser aktiviärt sii). D Anmäldig isch aber ke Pflicht. Bis uf ganz wennig Usnamme stehn alli Funktione vu dr Wikipedia au in Benutzer uffe, wu nit agmäldet sin! Für meh Informatione zu dr Vor- un Nochteil vun ere Ameldig lueg vorerscht no in dr dütsche Wikipedia.)
[ändere] Schriibe
Wer sofort will loslege, wirft am beschten e Blick uf Erschti Schritt. Derte erfahren-er, wie-ner in dr Wikipedia Artikel chönne bearbeite un alege. Wer im Alemannische nicht sicher ist, cha do Rotschläg übercho: Wiä schriib ich guets Alemannisch? Zuem Usprobiere gits de Sandchaschte. E wichtige Hiiwiis gli no vorneweg: Fast alli Syte chönne bearbeitet wärde.
[ändere] Gänn Obacht uf d Urheberrächt!
Bittschön kopiere uf kei Fall ohni Iiverständnis vum Autor främdi Websitte oder Text; des könnt Problem mit em Urheberrächt bringe. Selber schriibe macht sowieso viil meh Gspass.
