Wikipedia
Aus Wikipedia
 |
Der Artikl is im Dialekt „Obaboarisch“ gschriem worn. | |
Wikipedia is a freie Enzyklopädie im Intanet. Sie werd in mehrare Sprachn vo am Haufn Freiwillign gschriebn. Da Begriff setzt si zsamm aus "Wiki", des is des Programm mit dem jeda im Intanet entsprechende Seitn wia d' Wikipedia verändan ko und de letztn Buchstabn vo Encyclopedia, dem englischn Wort für Enzyklopädie. Fia de des ned wissn: A Enzyklopädie is a besonderne Form vo am Lexikon, oiso a Sammlung vo Erklärunga fia verschiedene Begriffe.
As bsondane an da Wikipedia is, das a jeda dro mitschreibn deaf. So gseng ghearn de Artikl nemmads und a jeda derfs frei nutzn, solang a si an de GNU-Lizenz für freie Dokumentation hoid.
[dro wärkln] Gschicht
Ois Geburtsstund vo da Wikipedia guit da 15. Januar 2001, då is de Domain wikipedia.com online gånga. 3 Monad späda, am 15. März håd da Jimmy Wales, da Grinda vo da Wikipedia, d Idee ghåbt, d Wikipedia aa in åndare Språchn zu måcha. Ois ersts is de deitsche und de französische Wikipedia grindt woan. Åba scho am End vo 2001 håds es in 18 vaschiedane Språchn gem. Am 20. Juni 2003 is d Wikimedia Foundation griandt won, de Non-Profit Organisation kimmat se um d Wikipedia und um d andan Projekte. Middlaweile gibts d Wikipedia in 220 Språchn, iaba 5.000.000 Artikl gibts.
