Diksmude

From Wikipedia

Stad Diksmude
Diksmuide
Liggienge binnen het arrondissement Diksmude in de provinsje West-Vloandern
Woapen	Vlagge

Geografie
Gewest	Vloandern
Provincie	West-Vloandern
Arrondissement	Diksmude
Liggienge	51°02' NB 02°51' OL
Liggienge	{{{latitudeGraden}}}°{{{latitudeMinuten}}}′NB {{{longitudeGraden}}}°{{{longitudeMinuten}}}′OL
Ippervlak	149,40 km²
Inweuners (Bron: NIS)
Inweuners – Vintn – Vrown – Bevolkiengsdichtheid	15.733 (01/01/2006) 49,81% 50,19% 105 inw./km²
Leeftydsipbow 0–17 joar 18–64 joar 65 joar en oeder	(01/01/2004) 21,54% 59,86% 18,60%
Buutnlanders	0,69% (01/07/2005)
Weirklôoseidsgroad	5,68% (01/01/2006)
Polletiek
Burgemêester	Geert Debaillie (VLD)
Coaliesje	PRO, VLD
Zetels PRO CD&V VLD	25 12 10 3
Dêelgemêentn me postcode
Postcode	Dêelgemêente
8600 8600 8600 8600 8600 8600 8600 8600 8600 8600 8600 8600 8600 8600 8600	Diksmude Beerst Êesn Koaskerke Keiem Lampernisse Leke Nieuwkapelle Oostkerke Oedekapelle Perviezje Sint-Jacobskapelle Stuvjeskerke Vlazjele Women
And're info
Zonenummer	051
Poliesjezone	{{{polz}}}
Webadres	www.diksmuide.be

Diksmude (Nederlands: Diksmuide) es e stad in West-Vloandern. De stad ligt an de riviere den Yzer. Der weunen mêer dan 15.000 menschn in heel de gemêente. Diksmude is voorol gekend vo zen Yzertôorn en den dôod'ngang. De gemêentenoame wordt soms ofgekort no Smude.

[bewerk'n] Dêelgemêentjes en omgevienge

De stad Diksmude bestoat uut 15 dêelgemeentn, en 't is doamee in de provinsje West-Vloandern de gemeente met de grotst ippervlakte. In 1924 was d'ippervlakte van Diksmude-stad ol verdubbeld deurdat er e stik van Êesn biekwam. In 1965 is Diksmude-centrum ton gefusioneerd met Êesn en Koaskerke. De bebouwienge van Koaskerke en Diksmude vormt in feite een deurlopend geheel, en de bebouwienge van Diksmude lopt ook al deure ip 't groendgebied van Êesn. In 1971 giengn der were vele fusies deure. Diksmude zelve fusioneerde nie, moa een oop van de gemeentjes deroend ton wel. Keiem werd e stik van Beest; Lampernisse, Oostkerke en Stuvjeskerke kwaamn bie Perviezje; en van Oedekapelle, Nieuwkapelle en Sint-Jacobskapelle werd er e nieuwe gemêente, Driekapellen gemakt. Woomn moest e stik va ze groendgebied ofgeevn, van Joenkershove werd e stik van Oetulst. In 1977 fusioneerden der uutindelyk zes gemeentn met Diksmude. Beest, Driekapellen, Leke, Vlazjele, Woomn en Perviezje woarn nie mi oenafhankelyk, moa ulder dêelgemeentn woaren nu Diksmuudse deelgemeentn.

't Stadscentrum van Diksmude lig in 't midden van de gemeente, langst den Yzer. 't Is 't meest bebouwde en beweunde centrum in de gemeente. D'andere pleksjes liggn verpreid ip 't grôte groendgebied van Diksmude. De groddere parochjes bestoan uut e centrum dat langst êen van de grôte involsweegn ligt, met nog wa lintbebouwienge. De klindere parochjes liggn temidden de stikk'n en nie langs drukke grôte boann. Tusschn al de parochjes in liggn der nog vele boeroven.

#	Naam	Ippervlak (km²)	Bevolkienge (01/01/2007)
I	Diksmude	2,12	5.180
II	Êesn	17,53	1.854
III	Koaskerke	8,73	458
IV	Beest	11,66	1.127
V	Vlazjele	17,33	1.239
VI	Leke	10,73	1.124
VII	Keiem	12,92	1.298
VIII	Stuvjeskerke	7,34	160
IX	Perviezje	12,23	886
X	Lampernisse	13,62	198
XI	Oostkerke	3,77	285
XII	Oedekapelle	6,51	135
XIII	Sint-Jacobskapelle	3,25	96
XIV	Nieuwkapelle	7,85	406
XV	Women	13,83	1.307