Mêesn

From Wikipedia

Dit artikel es geschreevn in 't Mêesns, en da zoe best ozô bluuvn.

Stad Mêesn
Mesen
ligginge binnen het arrondissement Ippr in de provinsje West-Vloandern
Woapen	Vlagge

Geografie
Gewest	Vloandern
Provincie	West-Vloandern
Arrondissement	Ippr
Liggienge	50°45' NB 02°54' OL
Liggienge	{{{latitudeGraden}}}°{{{latitudeMinuten}}}′NB {{{longitudeGraden}}}°{{{longitudeMinuten}}}′OL
Ippervlak	3,58 km²
Inweuners (Bron: NIS)
Inweuners – Vintn – Vrown – Bevolkiengsdichtheid	988 (01/01/2006) 50,10% 49,90% 276 inw./km²
Leeftydsipbow 0–17 joar 18–64 joar 65 joar en oeder	(01/01/2004) 19,98% 59,94% 20,08%
Buutnlanders	11,95% (01/07/2005)
Weirklôoseidsgroad	14,29% (01/01/2006)
Polletiek
Burgemêester	Sandy Evrard
Coaliesje	MLM
Zetels MLM MDM	7 5 2
Dêelgemêentn me postcode
Postcode	Dêelgemêente
8957	Mêesn
And're info
Zonenummer	057
Poliesjezone	{{{polz}}}
Webadres	www.mesen.be

Mêesn (officieel Nederlands: Mesen) is een steej in West-Vloandern. 't Is officieel 't klènste stadje van België. Mêesn legt juste lasen 't Euvelland. 't Is een steej op z'n eigen omdan d'r oek faciliteiten zyn voe Franstoaligen. D'r weun om en bie de 1.000 menschen.

[bewerk'n] Kernn

De gemêente Mêesn e mor êen kern, 't stadscentrum zevve. Da centrum legt teegn de nôordgrenze van de gemêente, en e stik van de bebouwienge spreidt nem uut op 't groendgebied van Wytschoate in de gemêente Euvelland.

Te westn van 't groendgebied roend de stadskern legt er een ofgezoenderd stiktje groendgebied. Die enclave legt tusschn Wytschoate en Ploegsteirt. Mêesn is êen van de drie Belgische gemêentes die uut mêerder, niet a makoar grenz'nde stikk'n bestoan. D'ander twêe zien Elsene en Baarle-Hertog.

De zuudgrenze van Mêesn wordt gevormd deur de Douvebeke.

De gemêente Mêesn grenst deur ze klêne oppervlakte an nie vele ander dorptjes of gemêentn:

a. Wytschoate (gemêente Euvelland)
b. Woastn (stad Koomn-Woastn)
c. Ploegsteirt (stad Koomn-Woastn)

[bewerk'n] Koarte

Mêesn, groendgebied en buurgemêentn. De gele stikk'n zien bebouwde kernn.

[bewerk'n] Bezienswoardigheed'n

Veel kerkoov'n ut 'n Êestn Weireldôorlog.
De Sint-Nikloajkerke die in de volksmoend "'n Dikkop" wordt genoemd. "Dikkopp'n" is sedertdien oek de bienoame van de Mêesnoars.
Oender de Sint-Nikloajkerke legt er e Romaanse crypte uut den 11stn êeuw. Doa legt er oek e gedenkploate voa Adela van Mêesn.

De tôorn in 't Iers Vredespark

De tôorn in 't Iers Vredespark: e monument ter êre van ol de Iersche soldoatn (zowel katholykn als protestantn) die zie-a-zie mè makoar gevochn en tegen de Duutsche. 't Wos inhuldigd op 11/11/1998 deur Mary McAleese (president van Ierland), keuneginne Elizabeth II van Iengeland en keuning Albert II van België.
Z'en oek e nieuw hotel vo de joenge gasten uut Ierland. 't Is è sjiek spel.

[bewerk'n] Geschiedenisse

De glôrietyd van Mêesn legt ol lange in 't verleden. In 'n tyd van de loakenindustrie (12stn êeuw) wos de stad redelik belangryk, want ze lag op de roete tusschen Riesel (Lille) en Ieper. Lik ol de grôte sted'n a ze e joarmart. Doarachter kwam et verval.
In 'n Êestn Weireldôorlog wos de stad compleet plat gebombardeerd, want in 1917 wos 't er een zwoarn veldslag tusschen de Geallieerde en 'n Duuts: de Twède slag om Mêesn.
Mêesn probeert nu voerol de toeristische kaarte te trekk'n. De stad positioneert ze zev'n als vredesstad. Vele toeristn ut 't Gemenebest passeer'n oek ol Mêesn als ze nar Ieper en Passchendoale komn.

[bewerk'n] Polletiek

De burgemeester is Sandy Evrard. Sandy is van de blauwe. De blauwe en ol sedert 'k weetni oe lange de mêerderyd in Mêesn: achter de gemêenteverkiezingn van 2006 is de situoasje als volgt:

MLM (Mesense Liberalen/Liberaux Messinois): 5 zetels
MDM (Mesense Democraten/Démocrates Messinois): 2 zetels

Mêesn komt dikkers in 't nieuws omda de gemêentebelasting'n zo oge legg'n. Da komt volgens de mêerderyd omdat 't zuk e klêen stadje is da voer olles zelve moet opdroajn. Oe da 't oek is: in een enquête oender de eigen bevoking va Het Nieuwsblad (4/9/2006) kwam Sandy Evrard na vôorn as de sympathiekstn burgemêester va Vloandern.

[bewerk'n] Trivia

Mêesn is verbroederd mè Featherston, e stadje in Nieuw-Zêeland.
Op 25 oktober 2006 teldige Mêesn vôo 't êest in zeven joar were mêer of duusd inweuners. A ze da azo kun oudn voer e poar joar, toen meugn z'in 2012 twè zetels biezettn in de gemêenteroad (va 7 na 9).