Euvelland

From Wikipedia

Dit artikel zoe beter erschreevn weird'n in 't Euvellands.

Gemeente Euvelland
Heuvelland
Liggienge binnen het arrondissement Ippr in de provinsje West-Vloandern
Woapen	Vlagge

Geografie
Gewest	Vloandern
Provincie	West-Vloandern
Arrondissement	Ippr
Liggienge	50°47' NB 02°49' OL
Liggienge	{{{latitudeGraden}}}°{{{latitudeMinuten}}}′NB {{{longitudeGraden}}}°{{{longitudeMinuten}}}′OL
Ippervlak	94,24 km²
Inweuners (Bron: NIS)
Inweuners – Vintn – Vrown – Bevolkiengsdichtheid	8.217 (01/01/2006) 51,31% 48,69% 87 inw./km²
Leeftydsipbow 0–17 joar 18–64 joar 65 joar en oeder	(01/01/2004) 22,90% 59,71% 17,39%
Buutnlanders	5,70% (01/07/2005)
Weirklôoseidsgroad	6,75% (01/01/2006)
Polletiek
Burgemêester	Bernard Heens
Coaliesje	CD&V
Zetels CD&V Gemêentebelangen	19 10 9
Dêelgemêentn me postcode
Postcode	Dêelgemêente
8950 8951 8952 8953 8954 8956 8958	Nieuwkerke Dranoeter Wulvergem Wytschoate Westouter Kemmel Loker
And're info
Zonenummer	057
Poliesjezone	{{{polz}}}
Webadres	www.heuvelland.be

Euvelland (officieel Nederlands: Heuvelland) is e gemêente in de provinsche West-Vloandern e makt geogroafies dêel uut van de Westoek. Der weun mêer of 8000 menschen in de dêelgemêentn Nieuwkerke, Dranoeter, Wulvergem, Wytschoate, Westouter, Kemmel en Loker. Oek De Klyte is e stik van Euvelland, mo 't is gin echte dêelgemêente omda 't vroegerder e stik van Rinnegelst wos.

De noame van de gemêente komt nateurlyk van de heuvels die op da groendgebied legg'n: De Kemmelberg (156 m, oogstn top van Vloandern); de Vidaigneberg (136 m), de Rôonberg (129 m), de Scherpeberg (125 m). In vroeger tyd'n woarn d'r vele busschn. Moa d'n Eerstn Weireldôorlog e vele kapot gemakt.

In de dêelgemêente Dranoeter ist er ieder joar in 't êeste weekend van ogustus e Folkfestival: Folk Dranoeter.

Landschap, met dorpsje Loker, vanof de Rôonberg gezien

[bewerk'n] Kernn

De gemêente Euvelland bestoat uut 8 klêne landelyke dorpsjes. De dêelgemêenten Dranouter, Kemmel, Loker, Nieuwkerke, Westouter, Wytschoate en Wulvergem woarn vroegertyd zelfstandige gemêentn. De Klyte was voe de gemêentelyke fuusjes nie zelfstandig, moa was e dêel van Rinnegelst, da tondertyd nog e zelfstandige gemêente wos.

Kemmel, Wytschoate, Nieuwkerke en Westouter zien de grotste centra, met mêer dan 1000 iweuners. 't Gemêentuus en de gemêentelyke administroasje zien gevestigd in Kemmel, juste lyk 't poliesjebureau en de post. In Wytschoate legt 't rustôord, de gemêentelyke sportalle en 't oofdkantôor van de gemêentebibliotheke. In Nieuwkerke legt 't containerpark van de gemêente. De vier andere dorpsjes zien klinder, met minder vorzieniengn.

Buutn die dorpscentra leggn der in de gemêente nog e poar klindere weungroeperyngn. Op d'euvelruggn van de Rôonberg en de Zwortnberg leggn der azo residentiële weuniengn, met oreca- en andelszoaken. De kern van 't stadje Mêesn et oek nog een uutloper op 't groendgebied van Wytschoate in Euvelland.

#	Noame	Oppervlak (km²)	Bevolkienge (2001)
I	Kemmel	12,99	1.170
II	Wytschoate	26,24	2.109
III	Wulvergem	3,50	264
IV	Nieuwkerke	17,49	1.513
V	Dranouter	10,73	703
VI	Loker	6,80	572
VII	Westouter	11,64	1.422
VIII	De Klyte	4,93	576