朝鮮民主主義人民共和國
出自維基百科，自由嘅百科全書
 旗 |
 徽 |
| 自然地理 （實際管轄） |
|
 |
|
| 首都 | 平壤 |
面積
|
|
| 人民生活 | |
| 官方語言 | 朝鮮語 |
人口
|
|
| 政治文化 | |
| 元首： | |
| 主要節日： |
|
| 經濟實力 | |
| 貨幣： | 朝鮮圓 |
|
|
| 中央銀行： | 朝鮮中央銀行 |
| 國家資料 | |
| 格言： | 強盛大國（(강성대국） |
| 國歌： | 愛國歌 (朝鮮) |
| 時區： | UTC+9 東九區 |
| 互聯網域名： | .KP |
| 國際際電話區號： | 850 |
北韓（북한）或者北朝鮮（북조선），正式叫朝鮮民主主義人民共和國（韓語：조선민주주의인민공화국），係東北亞朝鮮半島北部一個國。佢嘅首都同最大城市都係平壤。國北同中國為鄰，以鴨綠江為界；南同南韓為鄰，以三八線為界。東面係日本海，西面係黃海。北韓叫自己做北朝鮮。中華人民共和國喺1949年10月6日同北韓建交嗰陣，叫佢做朝鮮。當時中華人民共和國同北韓係同一陣營，而美國同大韓民國、中華民國、香港、澳門同日本等地係另一陣營。同時南面大韓民國簡稱南韓，所以呢啲地方點簡稱響北面嘅朝鮮民主主義人民共和國做北韓。
由1945年建國到而家都係畀朝鮮勞動黨統治緊，喺國際上非常之孤立。國家主席已經畀左已去世嘅金日成保留，而現時國家最高領導人喺金正日。
目錄 |
[編輯] 政治
北韓係1998年修改咗憲法，唔再設國家主席一職（「國家主席」榮譽將永遠由已故嘅主席金日成保留），撤銷原本係國家權力最高領導機關嘅中央人民委員會。內閣而家係國家最高權力嘅行政執行機關，由總理領導，任期5年，政府各部變咗做內閣各省。國家最高軍事權力機關係國防委員會，係由最高人民會議選舉產生。
[編輯] 行政區劃
北韓全國劃分為9個道（도）、2個直轄市（직할시）、同3個特區：
- 平壤市 (평양시)
- 羅先市 (라선시)
- 開城工業地區 (개성공업지구)
- 金剛山觀光地區 (금강산관광지구)
- 新義州特别行政區 (신의주특별행정구)
- 慈江道 (자강도)
- 咸鏡北道 (함경북도)
- 咸鏡南道 (함경남도)
- 黄海北道 (황해북도)
- 黄海南道 (황해남도)
- 江原道 (강원도)
- 平安北道 (평안북도)
- 平安南道 (평안남도)
- 兩江道 (량강도)
[編輯] 地理
朝鮮半島從亞洲大陸向南延伸大約1,100公里，西面有黃海同朝鮮灣，東部臨日本海（名稱上仲有爭議，朝鮮人稱為東海），南部就有朝鮮海峽（對馬海峽）同埋東中國海（朝鮮人稱為南海）。北部多為山區，東北地區好多深狹嘅山谷，而海岸平原大部分都喺西部地區。北韓最高峰係白頭山，海拔2,744米。主要河流就有分割朝中邊界嘅鴨綠江同埋圖們江。
北韓屬於溫帶季風氣候，夏天嘅雨季降雨都叫多，冬天就好鬼凍。北韓而家最大城市就係首都平壤市。
[編輯] 商業
北韓嘅商業差唔多全部由國家控制。商店分咗做便民店、國營店同埋外匯商店。外匯商店賣各種進口嘅商品，多數嚟自中國，好似食物、傢私、電器等。外匯商店只係收美元、歐元同人民幣三種貨幣。經濟改革後，外匯商店由原本用美元標價改咗做歐元，仲可以用美元。外國人喺北韓用朝鮮圓，係要出示外匯兌換證明。北韓嘅國營商店賣嘅全部都係本國產品，但係成日冇貨。北韓便民店嘅嘢則多數都係由中國進口。喺北韓，喺便民店以外嘅商店買嘢嘅人好少。
[編輯] 網絡通訊
2000年，北韓整咗個覆蓋全國，面向國內普通老百姓嘅電腦網路，稱為「光明網」。但係電腦呢味野喺北韓嘅普及率好低，有冇成效係一個疑問。
但全近年北韓政府大力推廣，北韓嘅中小學校、少年宮、大專院校、政府機關、工廠同圖書館入面都提供大量自行開發嘅朝鮮語嘅作業系統畀民眾任意咁用。
[編輯] 電話區碼
- 國碼：850
- 平壤：02；清津：73；羅先：08；Hamchon：09；Kumno：549；平壤外交機構：19
- 流動電話（Mobile）用緊GSM流動通訊制式。
- 朝鮮用7位數字嘅流動電話號碼，好似：193 XXXX
[編輯] 旅遊
到北韓旅遊要有官方嘅導遊陪同，唔畀任意遊覽、影相或向朝鮮人散發任何嘢。如果畀人知道你識講朝鮮語，就會畀人拉去盤問。北韓唔畀揸住韓國、美國同以色列護照嘅外國人入境，但為咗賺到外匯，特登向韓國開闢了金剛山觀光特區做遊覽地。
[編輯] 參考資料
| 亞細亞洲 | |||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|
|
|||||||||||||||||||
| 世界地理索引 | 非洲 | 美洲 | 南極洲 | 歐洲 | 大洋洲 | 各國首都 | |||||||||||||||||||
|
(1) 請參閱台灣問題
|
|||||||||||||||||||
