Wikipedia:Durpsuus
From Wikipedia
Welkom in ons Durpsuus! Ier kunne we mee mekaore wauwele over aol wat Wikipedia angaet. Ei je 'n vraege of probleem, dan ka je die ier kwiet. Moe me wat mee mekaore bespreke? Dan doeë me dat ier!
Contents |
[bewerk] Dialecten
Hoei'nmirg, ik eij 'n idee. Kurn me de 'ebruukr's nie op dialecten sorteer'n of catehorieseer'n? 't Liek mien best leuk om te zien wie a der net as mien prat'n! Misschien iets meej dat Babelsjabloon? Knowledge 16:36, 8 November 2006 (UTC)
- Eej Nolledge, gaef da je 't Durpsuus in gebruuk genommen ei! Jae, 'k zal is over 'n sjabloontje naedienke, zal nie al te vee werk weze en 't zal ons wel elpe a me 'n keertje 'n taelkwestie èn (in de trant van: staet dat der noe fout of oort dat bie joen dialekt?). Dan kan ik wè artikeltjes anmaeken over de verschillende streêkdialecten zoôdat iedereêne ok weêt waer-oft'n over praot :-). Steinbach 21:59, 8 November 2006 (UTC)
Nou, 'k è al 'n sjabloon angemaekt vo Walcherse schrievers. Zeit maer van welk durp jie komt, dan kan'k vo joe ok bos 'n sjabloon anmaeke. D'r bin naemelik drie oôfddialecten op Zuud-Beveland, West-Zuud-Bevelands, Oôst-Zuud-Bevelands en Zakkers (en daerin bin der nog kleine verschillen van durp tot durp!), dus moe me d'r drie èn. Steinbach 22:18, 8 November 2006 (UTC)
- Nou, ik spreek meer Krunings zei mae. T probleem is dak ier alleen nie zo vee kom', omdak op zovee wiki's zit, dus je za me ier mae weinig zien'n! Knowledge 20:35, 18 November 2006 (UTC)
Heuj, Ik wil best èlpen, m'n voader komt van d'n Oostdiek en m'n moeder van Serenoek, ik proat iets tussenin - mè toch wè Bevelands. Ik weun op Ternisse, mè d'r bin nie vee mensen die at di a d'r eale leve weune, dus of 't ok echt Ternisse eat? 't voal me wè op da bieni oalles in Walchers dialect is. Dus oe mot dat mie oal die spellieng? Motte we oas ouwe an de spellieng van 't Zeeuws woordeboek? Suzanna 01:22, 21 November 2006 (UTC)
- 'T Zeêuws Woordeboek za nie vee 'elpe om aolles t' uniformeren. Het geeft de woorde van aolle durpe en gin standaord-Zeeuws. Mae 't veurdeel is da aolles wat in Zeêland gesproke en geschreve wor gliek ok goed is. Guusb 21:36, 22 November 2006 (UTC)
- Dat ao'k gedocht! Van mien meuge d'r gerust tweê of meer dialecten op eên bladzie gebruukt ore. D'r bin sjabloontjes daermee gebrukers an kunne geve wat-an ze vò dialect schrieven. Alleên: a je Zeêuws-Vlaems, Goerees of Flakkees schrieft, dan moe dat angegeven ore mee 'n sjabloontje op de pagina zelf - ik gloôf da'k die nog moe maeke. Vò de rest bin de verschillen in 't Zeêuws te overzieën en zekers a je 't opschrieft moe d'r nie vreêd vee moeite bestae-n om mekaore te begriepen. Trouwens, d'r komt nog 'n spelliengs-bladzie, dat oor wè tied ok. Steinbach 23:40, 22 November 2006 (UTC)
[bewerk] Systeemteksten
Sins ik opzichter bin op de Zeêuwse Wikipedia probere ik om zovee mogelik systeemteksten van't Iengels nae 't Zeêuws te vertaelen. Noe binne dr werkelik waer onderden van zukke teksten dus t'is ontiegliek vee werk. A iemand noe een suggestie eit voe een vertaeling mag je die ieronder neerzetten, das vò mien lekker makkelik! Ik zoeke vòral nog nae vertaeliengen vò de daegen en maenden, mae aolle ulp is welkom! En a je noe vinde da'k iets nie goed è vertaeld mag je dat ieronder ôk zegge oor! Troefkaart 14:25, 2 December 2006 (UTC)
Misschien mo'j huwoon probeern om de nederlanse versies van die artikels ni 't zeeuws om te zett'n. Da sa wè wat makkelukkur werk'n dienk ik zò.
- Jaet en neênt. A je vanuut 't Nederlands gae vertaelen dan kan 't weze da je Zeêuws te "Ollands" gekleurd raekt. De verzoekienge om elk woôrd maer gewoon "om te zetten" is dan mischien te groôt. Steinbach 18:01, 8 januaori 2007 (UTC)
[bewerk] Community portal -> Dorpsuus
Misschien kan de link naar Wikipedia:Community portal in het navigatie-blokje aan de zijkant naar 't dorpsuus verwijzen door MediaWiki:Sidebar aan te passen? R. Koot 22:30, 24 December 2006 (UTC)
- Liek me 'n goed idee. 'k Za't bos ins doeë! Steinbach 15:57, 28 December 2006 (UTC)
[bewerk] Naemruumtes angepast!
Goed nieuws mensen, de naemruumtes bin vertaeld! User is noe gebruker, talk is overleg, image is plaetje, category is categorie en special is speciaol g'ore. Dat konde me naemelik nie zelf doeë, dae waeren "developers" vo noôjeg. Wat zeie julder d'rvan? 'n Eêle verbeterienge eej? Steinbach 17:24, 23 januaori 2007 (UTC)
[bewerk] Vandoal
Wat gae me nou kriege? Eén of oare idioot ei oalle pagina's hewist. Bannen en alles weer anpassen liekt mien.. - Finrod 09:05, 19 februaori 2007 (UTC)
